Atif
Numri i postimeve : 60 Points : 2147483647
Reputation : 3 Join date : 17/06/2009 Age : 27 Location : Prishtina
| Titulli: Reali rinis sulmin për Ibrahimoviçin Mon Jun 22, 2009 5:36 pm | |
| Reali tani negocion për Ibrën”. E përditshmja spanjolle “Marca” ia ka dedikuar gjithë faqen e parë kontakteve që Reali i Madridit ka filluar të ketë me menaxherët e Zllatan Ibrahimoviçit. Sipas kësaj gazete, të premten në Madrid është zhvilluar një takim midis përfaqësuesve të klubit spanjoll dhe përfaqësuesit të sulmuesit të Interit (Mino Raiola). Hoze Mourinjo, shkruan “Marca”, nuk do të ishte kundër shitjes së Ibrës nëse do të vinte një ofertë e rëndësishme. Por Ibrahimoviç duket se nuk është zgjedhja e parë për Realin. Klubi i drejtuar nga Florentino Perez po mundohet mbi të gjitha për të marrë sulmuesin Karim Benzema, ylli i Lionit. Me sa duket, largohen gjithnjë edhe më shumë David Vija dhe Diego Forlan. Ndërkohë, ditën e nesërme ose të martën, Interi do të zyrtarizojë blerjen e Dekos dhe Karvajos. Ndërsa, gjatë orëve të fundit është rregjistruar një sulm i Lacios për Arnautoviç. Igli Tare, krahu i djathtë i Lotitos, duket se ka shkuar në Austri për të provuar t’i heqë nga duart zikaltërve sulmuesin me origjinë serbe. Drejtuesit e Interit kanë arritur një marrëveshje me lojtarin, por akoma nuk kanë rënë dakord me klubin e Tventes, që nuk duket shumë i bindur për të pranuar ofertën e interistëve: transferimi i lojtarit me variantin e borxhit me të drejtën për ta blerë përfundimisht në muajin janar në rast se sulmuesi shërohet plotësisht nga një frakturë që ka pësuar në këmbë. Gjithsesi, në shtëpinë e zikaltërve nuk duken shumë të shqetësuar për ndërhyrjen e papritur të bardhekaltërve, pasi mbështeten tek vullneti i Arnautoviçit, që në të kaluarën ka refuzuar Çelsin vetëm për të veshur fanellën zikaltër. Në orët e fundit ka ardhur edhe interesimi i Volfsburgut për Himenez, por që tashmë është vetëm një hap larg Uest Hemit, edhe pse Tërnana (bashkpronare me Interin e kartonit të kilianit), po krijon disa probleme ekonomike të gjykuara si të papërshtatshme nga klubi i Moratit | |
|